Gazeta Si – Shkëlzen Xhenje, një person i konsideruar si person me rrezikshmëri të lartë shoqërore, është arrestuar në Shkodër.
Ai është shpallur në kërkim nga SPAK në dosjen “Metamorfoza”. Sakaq, Xheje konsiderohet si krahu i djathtë i Eljon Hatos. Ky i fundit është mik i Ervis Martinajt, i cili rezulton i zhdukur prej verës së vitit të shkuar.
Po ashtu ishte shpallur në kërkim nga Policia e Shkodrës pasi në vitin 2021 bashkë me dy persona të tjerë ka qëlluar me armë zjarri ndaj dy personave. Ndërkohë 32-vjeçari rezulton i dënuar edhe nga Gjykata e Lezhës për futje të sendeve të paligjshme në burg.
32-vjeçari, shtetas me rrezikshmëri shumë të lartë shoqërore, për shkak të akuzave/dënimeve për një shumëllojshmëri veprash penale. Konkretisht, i akuzuar nga SPAK-u, në kuadër të operacionit “Metamorfoza”, për pjesëmarrje në grup të strukturuar kriminal, i shpallur në kërkim nga Policia e Shkodrës, pasi në vitin 2021, në bashkëpunim me 2 shtetas të tjerë, qëlloi me armë zjarri, shtetasit T. P. dhe K. M., si dhe i dënuar me 2 vjet burgim, nga Gjykata e Lezhës, për veprën penale “Futja ose mbajtja e sendeve të ndaluara në institucionin e ekzekutimit të vendimeve me burgim””, njoftoi policia.
Operacioni për kapjen e tij u kodua “Historiku”. 32-vjeçari u gjet në një banesë në fshatin Kuç, ndërsa aksioni u krye nga forcat speciale të RENEA-s për shkak edhe të rrezikshmërisë që paraqet Xhenje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
