.png)
Gazeta Si – Një person është shpallur në kërkim, ndërsa një tjetër është arrestuar pasi njëri prej tyre qëlloi me armë zjarri gjatë ndjekjes nga policia pasditen e kësaj të hëne në lagjen “Guerrile” në Shkodër.
Policia u njoftua se rreth orës 15:10 i kanë bërë shenjë ndalimi automjetit, ku lëviznin dy personat me qëllim kryerjen e kontrolleve ndaj tyre.
Por drejtuesi i makinës nuk i është bindur urdhrit dhe ka shtuar shpejtësinë duke kryer manovra të rrezikshme.
Për këtë arsye, policia i është vënë në ndjekje automjetit. Por gjatë kësaj kohe, dyshohet se pasagjeri duke u larguar ka qëlluar një herë në ajër me armë zjarri dhe më pas është larguar.
Policia thotë se në pranga u vu shoferi i makinës, teksa nuk i bën të ditura inicialet për shkak të konfidencialitetit të hetimit.
“Ndërkaq, vijon intensivisht puna për lokalizimin dhe kapjen e pasagjerit në këtë automjet. Grupi hetimor, në drejtimin e Prokurorisë, po punon për të zbardhur rrethanat e rastit”, njoftoi policia.
Burime bëjnë me dije se policia po zhvillonte një operacion për kapjen e një personi me rrezikshmëri të lartë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje