Gazeta Si – Një 21-vjeçare me iniciale N.N., është arrestuar në Vaun e Dejës, pasi mbrëmjen e të enjtes goditi me thikë një 68-vjeçar, teksa ky i fundit dyshohet se tentoi ta përdhunojë.
Ngjarja është regjistruar në fshatin Deje, të Bashkisë Vau e Dejës në banesën e 21-vjeçares, e cila ka qenë vetëm në shtëpi.
Përmes një njoftimi, policia bën me dije se 68-vjeçari vijon të jetë në spital, ndërkohë që e reja akuzohet për plagosje të rëndë me dashje dhe mbajtje të armëve të ftohta.
Pavarësisht se më herët u raportua se e reja e kishte plagosur të moshuarin në formë vetëmbrojtjeje, pasi ai i ishte futur në shtëpi duke tentuar të kryejë marrëdhënie seksuale me dhunë, policia thekson: “Mbrëmjen e djeshme, 21-vjeçarja, dyshohet se për motive të dobëta, plagosi me mjet prerës (thikë), shtetasin Z. P., 68 vjeç, i cili vijon të jetë në kujdesin e mjekëve”.
Pas zbardhjes së ngjarjes, policia ka arrestuar vajzën e re, si dhe iu sekuestrua mjeti prerës (thikë), me të cilin kreu plagosjen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
