.png)
Gazeta Si – Një shkëndijë elektrike dhe tymrat e çliruara në shkollën 9-vjeçare “Kushtrimi i Lirisë” në Durrës, alarmuan nxënësit dhe stafin pedagogjik këtë mëngjes.
Sipas burimeve, nxënës e mësues kanë dalë jashtë objektit arsimor, ndërsa shërbimi zjarrfikës ka ndërhyrë.
Pas ndërprerjes së mësimit, drejtuesit e shkollës kanë vendosur dhe pezullimin e procesit mësimor për ditën e sotme, për shkak të pranisë së tymit në godinë.
Paraprakisht, burime nga shërbimi zjarrfikës i Durrësit bëjnë me dije se ka qenë një shkëndijë elektrike në një nga ndriçuesit në katin e parë të shkollës, një neon, që ka shkaktuar djegie dhe çliruar tym.
Zjarrfikësit kanë ndërhyrë shpejt dhe aktualisht kanë vendosur dhe një aparat ventilim-aspirimi për largimin e tymit nga ambientet e brendshme të shkollës. Ende nuk ka njoftim zyrtar nga policia e Durrësit mbi atë çfarë ka ndodhur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
