.png)
Një proteinë që thuhet se është në gjendje të ndalojë kancerin e prostatës që në fillimet e tij është identifikuar nga shkencëtarët. Në eksperimente, ‘super molekula’ bëri që tumoret njerëzore të implantuara te minjtë të tkurren. Nga kjo ekspertët mendojnë se mund t’u jepet pacientëve që nuk reagojnë ndaj terapive hormonale. Autori i studimit Nupam Mahajan, nga Shkolla e Mjekësisë së Universitetit të Uashingtonit, tha se ilaçet që kemi për të trajtuar kancerin e prostatës ishin efektive fillimisht. Por shumica e pacientëve fillojnë të zhvillojnë rezistencë dhe ilaçet zakonisht ndalojnë së funksionuari pas një ose dy vitesh.
“Në atë pikë, opsionet në dispozicion janë shumë të kufizuara. Ne jemi të interesuar të adresojmë këtë nevojë zhvillimin e terapive të reja për pacientët që kanë zhvilluar rezistencë. Ne besojmë se molekula e ARN-së që kemi identifikuar mund të çojë në një qasje efektive,” thonë ekspertët.
Molekulat gjenetike në trup të quajtura ARN (acidi ribonukleik) ‘përkthen’ udhëzimet e koduara në ADN-në tonë. Rreth një në tetë meshkuj sëmuren nga kanceri i prostatës duke e bërë atë kancerin më të zakonshëm mashkullor. Kjo sëmundje prek kryesisht meshkujt mbi 50 vjeç dhe drejtohet nga receptori androgjen, një proteinë që prodhon testosterone. Proteina e sapo zbuluar, e quajtur NXTAR (pranë receptorit të androgjenit), vepron si frenues.
“Kjo do të thotë se në të gjitha mostrat e kancerit të prostatës që studiojmë, rrallë gjejmë NXTAR, sepse ai shtypet nga prania e madhe e receptorit androgjen në këto lloj tumoresh. Ne e zbuluam NXTAR duke përdorur një ilaç që laboratori e zhvilloi për të shtypur receptorin androgjen. Kur receptori androgjen është i shtypur, NXTAR fillon të shfaqet. Kur e pamë këtë, dyshuam se kishim zbuluar një eliminues të tumorit,” shpjegoi Mahajan.
Ilaçi, i quajtur (R)-9b, fillimisht u zhvillua për të bllokuar receptorin androgjen. Përfundoi duke zbuluar praninë dhe rolin e NXTAR. Tek minjtë ilaçi funksionoi duhet zvogëluar madhësinë e tumorit. Për më tepër, injektimi i një sasie të vogël ishte i mjaftueshëm për të kryer punën.
“Ne shpresojmë të zhvillojmë si këtë ilaç (R)-9b ashtu edhe NXTAR në terapi të reja për pacientët me kancer të prostatës që kanë zhvilluar rezistencë ndaj trajtimeve të vijës së parë,” thonë ekspertët.
Mahajan ka paraqitur një aplikim për të marrë patentë për ilaçin (R)-9b, i cili është i licencuar nga kompania e tij bioteknologjike, TechnoGenesys.
Burimi:The Independent/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje