.png)
Një ekip i udhëhequr nga Universiteti i Teknologjisë Chemnitz në Gjermani ka projektuar bateri mikroskopike që mund të përdoren për kamera të fshehta dhe impiante mjekësore. Gjenerata aktuale e mikrobaterive përfshin grumbullimin e tyre në një çip, por ka një kufi se sa të vogla mund të jenë sepse niveli i ruajtjes së energjisë mund të jenë shumë të ulëta.
Për të zgjidhur këtë problem, ekipi gjerman krijoi një sistem që përfshinte mbështjelljen e shiritave të të njëjtave veshje të përdorur në mikrobateritë aktuale, që mund të lirohen dhe rimbështillen për të gjeneruar dhe çliruar mjaft tension një kompjuter të vogël. Bateria e re, për të cilën thonë se nuk është gati për treg dhe nuk mund të vendosë një çmim, është e ringarkueshme dhe mund të krijojë energji për një mikrokompjuter të thjeshtë deri në dhjetë orë.
Ekipi gjerman shpjegon se mikro-bateria mban deri në 100 mikrovat energji për centimetër katror, e parë si sasia e duhur për shumicën e përdorimeve mikroskopike të kompjuterit – duke përfshirë matjen e temperaturës së ajrit të ambientit.
Bashkautori Oliver Schmidt tha se ekziston ende një potencial i madh optimizimi për këtë teknologji dhe ne mund të presim mikrobateri shumë më të forta në të ardhmen.
Ka një sërë mekanizmash që mund të përdoren për fuqizimin e kompjuterëve të vegjël, megjithatë, shumica e tyre nuk do të funksionojnë në të gjitha kushtet dhe në shkallë mikroskopike. Për shembull, gjeneratorët mikro-termoelektrikë, që konvertojnë nxehtësinë në energji elektrike, janë efikas, por kanë fuqi shumë të ulët për çipat me madhësi pluhuri.
Mikrobateritë në çip të prodhuara duke përdorur teknologji të tilla standarde mund të japin energji dhe densitet të mirë të energjisë, por kanë një gjurmë dukshëm më shumë se një milimetër katror. Pra, ato nuk janë të zbatueshme, pasi ruajtja e energjisë zvogëlohet me madhësinë. Gjetjet e publikuara në revistën “Advanced Energy Materials” kanë treguar se teknologjitë aktuale të përdorura për bateritë në çip përfshijnë mikro-elektroda që ndërlidhen me njëra tjetrën.
Burimi: Daily Mail/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
