.png)
Gazeta Si – Prokuroria e Fierit ka mbyllur hetimet dhe ka dërguar në gjyq 3 persona, të akuzuar për “shpërdorim detyre”, “ndërtim i paligjshëm” dhe “ekspertim i rremë”.
Bëhet fjalë për ndërtuesin me iniciale N. Q., i cili ka ndërtuar 77% më shumë nga sa ishte e parashikuar në lejen e përfituar nga Bashkia e Lushnjës.
Së bashku me të për gjykim është dërguar punonjësi i Bashkisë së Lushnjës, E.S., me cilësinë e ekspertit me kryerjen e aktit të ekspertimit, i cili në aktin e ekspertimit ka paraqitur të dhëna të rreme që lidhen me sipërfaqen reale të ndërtimit të realizuar.
Në dosje përfshihet dhe punonjësi i IMT-së, Gj.M., me detyrë kryeinspektor, i cili nuk ka përmbushur detyrën e tij dhe nuk ka referuar rastin e paligjshëm pranë organeve kompetente.
Hetimi për rastin në fjalë ka nisur në vitin 2021 ndërsa objekti, i cili kishte devijuar nga kriteret e lejes së ndërtimit 276.6m², u konstatua në lagjen “Kongresi” në Lushnjë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
