.png)
Policia e Katanias, ka shkatërruar dy grupe kriminale, mes të cilëve shqiptarë, kolumbianë dhe siçilianë, që merreshin me trafikun e drogës.
Në kuadër të operacionit të koduar “Cocorito”, u arrestuan 13 persona. Banda akuzohet për trafikim dhe tregti të lëndëve narkotike, në sasi të mëdha.
Dy bandat kriminale, me anëtarë shtetas nga Katania, Kolumbia dhe Shqipëria, trafikonin dhe tregtonin sasi të mëdha të lëndëve narkotikëve. Ata kishin arritur të tregtonin në territorin italian një total prej 365 kg marijuanë dhe kokainë.
Hetuesit besojnë se dy bandat funksionin si të ishin një, ndërsa sasitë e mëdha të drogës vinin nga Shqipëria, ndërsa kokaina nga Kolumbia.
Hetimi nisi pasi policia ndaloi një makinë që drejtohej nga një 41 vjeçar, me origjinë nga Sirakuza, pjesë e dy bandave, të cilit iu gjetën rreth 8 kilogramëve marihuanë.
Arrestimet e 13 të dyshuarve janë kryer pas një urdhër ndalimi të lëshuar nga Gjykata e Katanias, pas kërkesës së bërë nga Drejtoria Anti-Mafia e këtij qarku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
