.png)
Gazeta Si – Ndër më të fundit është Burj al-Jafari, me pamje nga bregdeti. Mbërrin një deklaratë në arabisht nga zëdhënësi i ushtrisë: “Për të gjithë ata që ende nuk janë evakuuar nga zona e portit të Gazës dhe lagjja “Rimal”, në blloqet pranë kullës së shënuar me të kuqe, në kryqëzimin e rrugës “Jaber Bin Hayan” dhe rrugës “Omar al-Mukhtar”: IDF do të sulmojë së shpejti për shkak të pranisë së infrastrukturës terroriste të Hamasit. Për sigurinë tuaj, ju nxisim të zhvendoseni në jug në zonën humanitare al-Mawasi në Khan Younis”.
Disa orë më vonë – ose edhe disa minuta – një bum, shpërthimi. Një raketë godet pjesën e poshtme të ndërtesës, e cila shembet dhe zhduket në një re tymi gri. Mes britmave dhe dëshpërimit të njerëzve, Burj al-Jafari ishte shtëpia e qindra njerëzve.
Qeveria izraelite jep shifrat: që nga njoftimi i Benjamin Netanjahut – “ndër objektivat e reja të luftës është pushtimi total i qytetit” – mbi 50 kulla banimi janë rrafshuar.
Shkatërrimi sistematik i Gaza Sitit (Qyteti i Gazës), i cili nisi në fillim të gushtit, po kryhet përmes bombardimeve ajrore dhe buldozerëve që lëvizin tokën dhe mbeturinat, shembin ndërtesat dhe i rrafshojnë ato.
Dëmi më i madh është në lagjet “Zeitoun” dhe “Jabalya”, por dëmi po përparon edhe drejt qendrës, duke goditur zona banimi si “Rimal”.
Sipas CNN, duke studiuar imazhet satelitore të marra midis 9 gushtit dhe 5 shtatorit, duket se pjesa e madhe e madhe nuk është nga sulmet ajrore, por nga prishjet e kryera nga ushtria izraeli.
Ndërtesë pas ndërtese, ekskavator pas ekskavatori. Raportohet se afërsisht 1,800 ndërtesa në qytet dhe përreth tij u shkatërruan.
Zëdhënësi i ushtrisë, Gjeneral-Brigade Efi Dufferin, deklaroi disa ditë më parë se Izraeli kontrollon 40% të territorit të Qytetit të Gazës.
Megjithatë, kontrolli nuk do të thotë bindje e banorëve të tij që të zhvendosen në jug, në të ashtuquajturën zonë humanitare al-Mawasi, ku ata nuk kanë më asnjë centimetër tokë për të ngritur një tendë të rrënuar.
Dhe kështu, pavarësisht qindra tankeve të vendosura në kufi gati për të pushtuar dhe urdhrave të vazhdueshëm të evakuimit, vetëm 250,000 njerëz janë larguar nga qyteti që dikur strehonte një milion banorë.
Ata që nuk largohen ose nuk janë në gjendje – kushton rreth një mijë dollarë për t’u evakuuar dhe kush ka një mijë dollarë në Gaza? – ose zgjedhin të mos largohen.
Nga dëshpërimi, mungesa e shpresës, nga lodhja: “Ata po e zbatojnë projektin e tyre të spastrimit etnik”, thotë Najeeb Kaddoumi, një nga të larguarit.
Duke e parë nga lart, nga satelitët, Qyteti i Gazës sot kujton qytetet e saj simotra të shkatërruara para tij, si Rafah, si Khan Younis.
Në dy vjet luftë, sipas Hamasit, 64,000 njerëz janë vrarë nga ushtria e Netanjahut: një mesatare prej 1,500 vdekjesh në muaj (shifra që OKB-ja i konsideron të besueshme).
Pas 7 tetorit – sulmit terrorist të grupit palestinez që vrau 1,200 izraelitë dhe rrëmbeu 250 të tjerë – Kombet e Bashkuara vlerësuan se mbi 70% e të gjitha ndërtesave në Gaza u dëmtuan.
Nga këto, 28% u shkatërruan plotësisht. Tetëdhjetë përqind e spitaleve dhe klinikave u dëmtuan ose u shkatërruan gjithashtu, si dhe 88% e shkollave. Kjo shifër na kujton se fëmijët e Gazës kanë qenë pa arsim për 23 muaj.
Marrë nga: “Corriere della Sera”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
