Gazeta Si – Stiven Xherrard largohet nga Aston Vila pas më pak se një viti në detyrën e trajnerit të saj. Klubi nga Birmingemi ka bërë me dije lajmin e shkarkimit me efekt të menjëhershëm të trajnerit pas humbjes 3-0 në fushën e Fulhemit.
Aston Vila ka marrë vetëm 2 fitore në 11 ndeshje të këtij kampionati dhe është vetëm 1 pikë sipër zonës së rënies nga kategoria.
“Duam ta falënderojmë Stivenin për punën e madhe që ka bërë dhe impenjimin që ka treguar. I urojmë më të mirën në të ardhmen”, – shkruhet në njoftimin zyrtar të klubit anglez, që tashmë duhet të gjejë një trajner të ri.
Stiven Xherard, para se të merrte drejtimin e Aston Vilës, ka drejtuar Gllasgou Rejnxhërs në Skoci.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
