Komisioni i Pavarur i Kualifikimit ka shkarkuar nga detyra gjyqtaren e Gjykatës së Tiranës, Mariana Shegani.
Gjyqtarja e Gjykatës së Rrethit Gjyqësor Tiranë, Mariana Sehgani (Dedi) u përball me trupën gjykuese të Komisionit të Pavarur të Kualifikimit pak më ditë më parë.
Trupi gjykues i KPK-së përbëhej nga Suela Zhegu kryesuese, Brunilda Bekteshi relatore dhe Firdes Shuli anëtare.
Trupa gjykuese ka konstatuar një numër problemesh me deklarimin e pasurisë së subjektit, përfshirë mungesë burimesh të ligjshme për asetet e paluajtshme, mosdeklarim të detyrimeve financiare ndaj personave të lidhur, si dhe balanca negative në analizën e burimeve për pasuritë e luajtshme.
Ndërkohë, ajo u vlerësua pozitivisht për sa i përket pastërtisë së figurës dhe profesionalizmit.
Gjyqtarja ka një karrierë të gjatë tri dekada në Gjykatën e Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
