Ritmet më të larta të rritjes së shitjes në tregtinë me pakicë janë shënuar në segmentin e produkteve ushqimore, në tremujorin e parë të këtij viti sipas të dhënave nga INSTAT. Rritja më e ulët është regjistruar në tregtinë e karburanteve.
Në tregtinë me pakicë, pa përfshirë këtu tregtinë me pakicë të hidrokarbureve, volumi i shitjeve në tremujorin e parë 2022 është rritur me 5.5%, kundrejt tremujorit të parë të vitit 2021.
Në grupin “Ushqime, pije, duhan në njësi tregtare jo të specializuara dhe të specializuara”, volumi i shitjeve është rritur 4.7%, krahasuar me të njëjtin tremujor të vitit 2021.
Volumi i shitjeve, për grupin “Artikuj jo-ushqimorë në njësi tregtare të specializuara dhe jo të specializuara”, është rritur 6.2%, kundrejt të njëjtës periudhë të vitit paraardhës.
Në grupin “Tregti hidrokarbure në njësi tregtare të specializuara”, volumi i shitjeve është rritur me 4.2%, krahasuar me të njëjtin tremujor të vitit 2021.
Në ndryshimin vjetor prej +5.2%, në tremujorin e parë 2022 ndaj tremujorit të parë 2021, në tregtinë me pakicë, grupet kanë kontribuar si më poshtë:
“Artikuj jo-ushqimore në njësi tregtare të specializuara dhe jo të specializuara” me +2.6 pikë përqindje dhe grupi “Tregti me pakicë e hidrokarbureve në njësi tregtare të specializuara” me +1.3 pikë përqindje. Grupi “Ushqime, pije e duhan në njësi tregtare jo të specializuara dhe të specializuara” ka kontribuar me +1.3 pikë përqindje.
Sipas të dhënave të Instat, krahasuar me tremujorin paraardhës, ky tregues i përshtatur sezonalisht është rritur me 1%.
Në tremujorin e parë 2022, volumi i shitjeve, përshtatur sezonalisht, në grupin “Tregti me pakicë, pa përfshirë këtu tregtinë me pakicë të hidrokarbureve në njësi tregtare të specializuara”, është rritur me 0.2%, krahasuar me tremujorin paraardhës.
Në grupin “Ushqime, pije, duhan në njësi tregtare jo të specializuara dhe të specializuara”, volumi i shitjeve, përshtatur sezonalisht, është rritur me 0,8% krahasuar me tremujorin paraardhës.
Volumi i shitjeve, përshtatur sezonalisht, në tregtinë me pakicë, për grupin “Artikuj jo-ushqimore në njësi tregtare të specializuara dhe jo të specializuara”, është rritur me 0.1%, kundrejt tremujorit të mëparshëm.
Në grupin “Tregti me pakicë hidrokarbure në njësi tregtare të specializuara”, volumi i shitjeve, i përshtatur sezonalisht, është rritur me 1.8%, kundrejt tremujorit të katërt 2021.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
