Gazeta Si – Një administrator i një firme ndërtimi është arrestuar në Tiranë, pasi akuzohet për mashtrim me kontrata false.
Policia thotë se në pranga ka rënë shtetasi S.Sh., banues në Tiranë, me detyrë administrator i një firme ndërtimi.
Ai akuzohet se iu ka shitur shtetasve të ndryshëm, të njëjtat apartamente të një pallati të ndërtuar nga kjo firmë.
Në cilësinë e administratorit të firmës, shtetasi S.Sh. ka përpiluar 2 ose më shumë kontrata shitjeje për të njëjtat apartamente.
Nëpërmjet kësaj veprimtarie kriminale, ai ka përfituar shuma të konsiderueshme parash, në 8 raste të ndryshme.
Ai akuzohet për veprat penale “Mashtrimi” me pasoja të rënda dhe “Fshehja e të ardhurave”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
