Gazeta Si – Një 39-vjeçar me iniciale S.B., banues në Memaliaj në Tepelenë, është vënë në pranga pasi siguronte sasi të konsiderueshme lëndë narkotike kanabis sativa dhe klientët që e blinin, e shisnin atë më pas në doza të vogla.
Gjatë kontrollit të automjetit të tij, policia i gjeti sasi kanabis, një aparat celular, një shumë parash prej 374.500 lekë të rinj dhe 400 euro që dyshohet se janë përfituar nga ky aktivitet i paligjshëm. Të gjitha u sekuestruan në cilësinë e provës materiale, së bashku me mjetin.
Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
