Një 18-vjeçar është vënë në pranga pasi shiste në lokalet e plazhit të Golemit drogë të llojit kokainë dhe ekstazi.
Bëhet fjalë për Marsel Rusin, banues në Korçë të cilit dje iu gjetën me vete kanabis dhe ekstazi të ndara në doza të gatshme për shitje.Sipas policisë së Durrësit, Rusi shiste kokainë, ekstazi, kanabis si dhe tableta të lëndëve narkotike.
Gjatë kontrolleve nga ana e policisë 18-vjeçarit u gjetën dhe iu sekuestruan në cilësinë e provës materiale, sasi të lëndëve narkotike kokainë, cannabis sativa dhe ekstazi, të ndara në doza të gatshme për shitje, dhe një shumë dollarësh e dyshuar e përfituar nga kjo veprimtari kriminale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.