Gazeta Si – Dy të rinj që shisnin lëndë narkotike të ndarë në doza në zona të ndryshme të Tiranës kanë rënë në prangat e policisë.
Të arrestuarit janë 21 vjeçari me inicialet E. B., dhe 24 vjeçari H. C., të dy banues në Tiranë. Kapja e tyre u bë e mundur falë operacionit policor të koduar “Stacioni i fundit”.
Në rrugën “Isuf Elezi”, policia ka lokalizuar automjetin ku ndodheshin dy të rinjtë.
21-vjeçarit gjatë kontrollit fizik, iu gjet dhe iu sekuestrua, në cilësinë e provës materiale, sasi lënde e dyshuar narkotike kokainë, e ndarë në doza, gati për shitje.
Lënda narkotike i përkiste shtetasit 24-vjeçarit dhe dyshohet se ai do kryente transportin e saj.
Vijon puna për dokumentimin e plotë ligjor të veprimtarive kriminale të kryera nga këta shtetas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
