Nga Gazeta ‘SI’ – Në maj 2024, numri i vizitorëve në vend u rrit me 46% raporton INSTAT dhe numri i netqëndrimeve u rrit me 31%.
Nga rreth 250 mijë vizitorë, 180 mijë ishin jo-rezidentë, që nga një vit më parë janë shtuar me 63%. Vizitorët rezidentë janë rritur vetëm me 13%.
INSTAT thotë se janë net qëndrimet për jo-rezidentët janë rritur me 47%, ndërsa për rezidentët janë ulur me 2%, krahasuar me majin e shkuar kur u rrit me më shumë se 50%.
Gjatë majit, norma e shfrytëzimit të dhomave të “Hoteleve dhe akomodimeve të ngjashme” është 25%, kundrejt 19% që ishte në muajin maj 2023. Norma e shfrytëzimit të shtretërve të “Hoteleve dhe akomodimeve të ngjashme” është 26%, kundrejt 21 % që ishte majin e shkuar.
92% e turistëve të huaj ose jo janë akomoduar në hotele, apartamente apo dhoma, ndërsa pjesa tjetër kanë shfrytëzuar hapësirat në natyrë. Rajoni i qendrës vijon të mbledhë pjesë më të madhe të vizitorëve, 55%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
