.png)
Nga Gazeta ‘SI’ – Dy ditë më parë euro preku vlerën më të lartë në 3 muaj përballë lekut, por ky pozicion nuk zgjati.
Sot (18 prill) monedha europiane është zhvlerësuar ndjeshëm dhe këmbehet me 98.95 lekë.
Edhe valutat e tjera e kanë mbyllur javën me humbje përballë “superlekut”. Dollari këmbehet me 87.02 lekë dhe paundi britanik me 115.45 lekë.
Në një analizë të sapopublikuar nga FMN, llogaritet se ndërhyrjet e Bankës së Shqipërisë gjatë 2024-s për të stabilizuar kursin euro-lek janë sa 2.6% e PBB-së së vendit. Fondi bëri thirrje për shmangie të ndërhyrjeve në kurs pasi mund të cënojë politikën monetare të vetë Bankës dhe tregjet financiare në vend.
Edhe në tregjet ndërkombëtare kursi i këmbimit vazhdon të jetë i lëkundur përshkak të tarifave të Trump, me euron që është forcuar ndjeshëm ndaj monedhës amerikane dhe këmbëhet me 1.13 dollarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
