.png)
Gazeta Si- GJKKO ka pranuar kërkesën e SPAK për të pushuar hetimet për deputetin demokrat Bledion Nallbati, i cili goditi me grusht gjatë një seance parlamentare socialistin, Vullnet Sina.
Sipas SPAK, nuk vërtetohet ekzistenca e elementëve të veprës penale. Kundër vendimit lejohet ankim në Gjykatën e Posaçme të Apelit për Korrupsionin dhe Krimin e Organizuar, brenda 15 ditëve nga komunikimi i këtij vendimi.
Ishte grupi parlamentar i PS, ai që kallëzoi penalisht deputetin e opozitës, Bledion Nallbati për dhunë fizike.
Kreu i Grupit, Bledi Çuçi njoftoi se kishte firmosur kallëzimin penal për Bledion Nallbatit në emër të grupit parlametar të PS.
Seanca parlamentare e 30 shtatorit nisi me konfrontime, ku deputeti i Partisë Demokratike, ka tentuar t’i ndërpresë fjalën dhe t'i fikë mikrofonin deputetit socialist.
Ndërkohë që Vullnet Sinaj e ka shtyrë, situata ka vijuar me përleshje fizike dhe goditje me grushte nga na e Nallbatit.
Po ashtu, pas përplasjes në Kuvend, deputeti demokrat u përjashtua edhe nga seanca parlamentare për 10 ditë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
