.png)
Gazeta Si – Një sherr për vendin e parkimit ka sjellë plagosjen me armë të një të riu gjatë mbrëmjes së të mërkurës në rrugën e Dibrës në Tiranë.
Policia thotë se taksisti 29-vjeçar Gerald Hoxha është qëlluar me armë zjarri në këmbë nga 32-vjeçari Franci Canaj, i cili dyshohet se i kishte zënë vendin e parkimit.
Pas konfliktit mes tyre, Canaj nxori armën dhe e qëlloi në këmbë taksistin, duke u arratisur nga vendngjarja.
Policia po punon për kapjen e tij, ndërsa nga të dhënat e siguruara, rezulton se Canaj ishte dënuar në Itali në vitin 2016 për drogë dhe prostitucion.
Ndërkohë, i plagosuri ndodhet në spital, jashtë rrezikut për jetën dhe po merr ndihmën e nevojshme mjekësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
