Gazeta Si – Vendimi për t’u divorcuar nga gruaja, ka shkaktuar një konflikt familjar në Durrës mes dy kunetërve.
Festim Hoxha goditi me thikë Spiro Tolin, pasi ky i fundit dërgoi bashkëshorten te shtëpia e prindërve.
Konflikti ka lindur disa ditë më parë, ku Toli kërkonte të divorcohej.
Por burri i motrës së tij, është përpjekur të negociojë që një gjë e tillë të mos ndodhte.
Hoxha nuk ka pranuar ndarjen dhe arsyen e kunatit dhe gjatë debateve të cilat kanë qenë të vazhdueshme, në gjaknxehtësi e ka plagosur me thikë.
Hoxha u arratis menjëherë pas ngjarjes, ndërsa Toli ndodhet në spital, nën kujdesin e mjekëve.
Një ditë më parë një tjetër plagosje me thikë ndodhi mes dy vëllezërve në zonën e plazhit të Durrësit.
Dy vëllezërit janë përplasur për shkak se njëri prej tyre kishte vënë alarmin e telefonit për t’u zgjuar nga gjumi që të hante syfyrin.
Zhurma ka shqetësuar 20-vjeçarin, i cili e ka qëlluar të vëllain me thikë, duke e lënë të plagosur rëndë.
Ndërkohë të martën një tjetër plagosje ndodhi për shkak të zhurmave në një lagje tjetër të qytetit, kur një 35-vjeçar qëlloi me armë zjarri një punëtor ndërtimi.
Ditën e sotme, Gjykata e Durrësit caktoi masën e sigurisë arrest në burg ndaj autorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
