.png)
Gazeta Si – Një konflikt mes disa adoleshentëve, i cili dyshohet se ka ndodhur pas një ndeshjeje basketbolli, ka ndodhur mesditën e kësaj të hëne pranë palltit të sportit “Asllan Rusi” në Tiranë.
Sipas burimeve paraprake, mësohet se në sherr janë përfshirë 5 persona, të gjithë të mitur, ku dyshohet se si pasojë e konfliktit, një 13-vjeçar ka mbetur i lënduar. I mituri është dërguar në spital për të marrë ndihmë mjekësore.
Ndërkohë, nuk dihet ende shkaku i konfliktit dhe policia, e cila pritet të dalë me një njoftim zyrtar, ndodhet në vendin e ngjarjes.
Ngjarja ndodhi dy javë pas vrasjes së 14-vjeçarit Martin Cani, i cili u qëllua me thikë nga një bashkëmoshatar i tij pas një sherri pranë shkollës 9-vjeçare “Fan Noli” në Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
