.png)
Gazeta Si – Tre persona janë plagosur me thikë në një lokal në fshatin Golem të Lushnjës rreth orës 22:30 të dielën. Të plagosur janë babë e bir, B.T dhe K.T, si dhe D.M.
Sipas burimeve policore, të tre ishin duke pirë në të njëjtën tavolinë, pasi dy prej tyre ishin shokë.
Në lokal, që ishte i mbushur me persona, filluan debatet mes dy shokëve. Fillimisht u ngritën tonet e zërit, më pas pasuan goditjet me grushta, dhe në fund u përdorën thikat.
Dëshmitarët raportojnë se debati tre të plagosurit ndodheshin nën efektin e alkoolit. Gjatë sherrit, disa të pranishëm u përpoqën të ndërhynin për t’i ndarë personat në konflikt.
Pas ngjarjes, policia është njoftuar dhe po merr në pyetje të plagosurit dhe të tjerët e pranishëm në lokal për të zbardhur ngjarjen.
Tre të plagosurit ndodhen në spitalin e Lushnjës jashtë rrezikut për jetën. Sipas mjekëve, njëri ka marrë plagë në qafë, ndërsa dy të tjerët kanë plagë sipërfaqësore në trup.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
