.png)
Gazeta Si – Një sherr mes disa personave me sende të forta është regjistruar mbrëmjen e kësaj të premte në një zonë rezidenciale me vila në Farkë të Tiranës.
Sipas policisë, është dëmtuar i riu Kristi Fufi, rreth 19 vjeç, i cili ndodhet në spital, nën kujdesin e mjekëve, i cili është djali i ish-deputetit të PD, Mhill Fufi.
Nuk dihet ende arsyeja e sherrit, por sipas burimeve, fillimisht kanë qenë disa persona me makinë dhe kanë marrë shkopinj dhe sende te forta nga bagazhi i mjetit së tyre, duke sulmuar adoleshentin.
Sapo kanë mbërritur, agresorët nuk e kanë gjetur të riun dhe kanë hyrë edhe brenda lokalit, duke e kërkuar, derisa e kanë gjetur dhe e kanë dhunuar.
Dyshohet se një prej agresorëve, ka pasur edhe një armë zjarri në dorë, por nuk ka qëlluar. I riu i dhunuar ka marrë dëmtime në kokë dhe trup.
Policia tha se po punon për sqarimin e rrethanave të rastit si dhe identifikimin e personave të përfshirë në konflikt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
