.png)
Gazeta Si - Shefi i Departamentit të Marketingut në Fakultetin Ekonomik në Tiranë, Mirdaim Axhami është arrestuar, pasi dyshohet se ka goditur me grusht vartësen e tij, pedagogen Liljana Billa (Elmazi).
Ngjarja, siç njofton policia, ka ndodhur për shkak të detyrës në ambientet e fakultetit, por nuk dihet ende arsyeja pse 43-vjeçari goditi me grushte vartësen e tij.
“Specialistët për Hetimin e Krimeve të Komisariatit të Policisë Nr. 1 arrestuan shtetasin Mirdaim Axhami, 43 vjeç, banues në Tiranë, pasi për shkak të detyrës, dyshohet se ka goditur me grusht vartësen e tij”, njoftoi policia.
Axhami është Shef Departamenti në Fakultetin Ekonomik të Tiranës. Ngjarja në fjalë u raportua fillimisht ditën e djeshme.
Të dy përfunduan në komisariat pas kallëzimit të pedagoges Billa e cila ka qenë dikur deputete e Partisë Demokratike.
Ajo ka pretenduar se Axhami e ka goditur. Ky i fundit ka pretenduar se thjesht e ka kapur për krahu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
