Gazeta Si – Një konflikt mes dy personave në Tiranë, agravoi në përdorimin e armëve të zjarrit mbrëmjen e kësaj të shtune.
Dy fqinj u përfshinë në sherr me njëri-tjetrin pranë Rrugës së Elbasanit, ku shtetasi Amarildo Kamberi dyshohet se plagosi me armë në këmbë 47-vjeçarin Xhevahir Kalaveri.
Shkak i konfliktit dyshohet çështje pronësie. I plagosuri u dërgua në spital, ku ndodhet jashtë rrezikut për jetën, ndërkohë që po kërkohet autori i dyshuar, që u largua nga vendngjarja.
Sa i takon autorit të dyshuar, ai është identifikuar si Amarildo Kamberi. Aktualisht, policia po punon për kapjen e tij.
Sipas burimeve, konflikti dyshohet se lindi për shkak të vendosjes së pengesave në rrugë për të mos lejuar lëvizjen e automjeteve.
“Më datë 17.02.2024, rreth orës 17:35, në Rrugën e Elbasanit, Amarildo Kamberi, dyshohet se ka plagosur me armë zjarri në këmbë shtetasin Xhevahir Kolaveri rreth 47 vjeç, (fqinj me njëri-tjetrin), i cili ndodhet në spital, në kujdesin e mjekëve. Shërbimet e Policisë po vijojnë krehjen e zonës për kapjen e autorit të dyshuar”, tha Policia e Tiranës në një njoftim paraprak për mediat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
