.png)
Një tjetër rekord i shtohet karrierës së pabesueshme të Kristiano Ronaldos. Me dygolëshin e realizuar ndaj Francës me fanellën e Portugalisë, në ndeshjen e fundit në grup të Euro 2020, sulmuesi i Juventusit është bërë shënuesi më i mirë në historinë e kombëtareve, duke barazuar iranianin Ali Daei, me 109 gola.
Me 21 gola të realizuar, Kristiano Ronaldo është bërë gjithashtu edhe lojtari i parë europian që kalon kuotën e 20 golave në Europianë dhe Botërorë.
Për herë të parë në karrierë, sulmuesi portugez ka arritur të shënojë në tri ndeshje radhazi në një turne të rëndësishëm ndërkombëtar. Ai është lojtari i dytë që ia ka dalë të shënojë të paktën 5 gola në fazën e grupeve të një Europiani, pas francezit Mishel Platini në vitin 1984, kur ai realizoi 7 gola.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
