Gjatë 24 orëve të fundit ka ndërruar jetë një pacient me COVID-19 në spitalin infektiv. Pacienti 53 vjeçar nga Kruja me iniciale S.B prej 8 ditësh kishte marrë shërbim, por nuk arriti të mbijetonte. Albana Fico nga Instituti i Shëndetit Publik, bën me dije se gjatë 24 orëve të fundit, janë konfirmuar 14 raste të reja me COVID-19, nga të cilat 7 raste janë në Tiranë, 5 raste në Krujë dhe 2 raste në Shkodër.
“Gjatë 24 orëve të fundit, 9 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 431.
Aktualisht në vendin tonë, 289persona janë aktivë me COVID19 dhe siç shihet numri i të shëruarve është më i lartë. Kjo tendencë tashmë vazhdon të jetë e qëndrueshme. Ju informojmë se, në shërbimin infektiv aktualisht janë 27 të shtruar. 3 pacientë janë në terapi intensive. Në spitalin COVID 2 “Shefqet Ndroqi”, janë 5 pacientë të shtruar. 2 pacientë janë në terapi intensive në gjendje më të rënduar. Në dy spitalet COVID aktualisht po marrin shërbim 32 pacientë,” theksoi Fico.
Shpërndarja gjeografike e rasteve pozitive dhe e shërimeve,vijon:
| Bashkia | Të prekur | Të shëruar |
| Tiranë | 309 | 188 |
| Shkodër | 107 | 64 |
| Krujë | 97 | 9 |
| Durrës | 42 | 38 |
| Fier | 37 | 29 |
| Kurbin | 31 | |
| Korçë | 19 | 18 |
| Elbasan | 18 | 15 |
| Kukës | 18 | 10 |
| Lezhë | 14 | 14 |
| Has | 14 | 12 |
| Kavajë | 9 | 8 |
| Lushnjë | 7 | 4 |
| Vlorë | 5 | 4 |
| Pukë | 5 | 4 |
| Mirditë | 5 | 3 |
| Rrogozhinë | 4 | 4 |
| Tropojë | 4 | 4 |
| Berat | 3 | 2 |
| Mallakastër | 1 | 1 |
| Mat | 1 |
Fico ka deklaruar se situata mbetet e kontrolluar dhe tregues është numri i personave në spitale. Ndërkohë drejtoresha e ISHP i’u bën thirrje edhe një herë qytetarëve se duhet të respektojnë masat e përcaktuara nga autoritetet shëndetësore dhe të kontaktojnë numrin 127 nëse kanë shenja të sëmundjes, ose për çdo informacion të telefonojnë 0800 40 40.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
