Nga Gazeta Si – SPAK vijon hetimet për shembjen e Teatrit Kombëtar.
Hervin Çuli, drejtor në kohën kur u shemb Teatri është marrë në pyetje ditën e sotme nga SPAK, si pjesë e hetimit për shembjen e godinës së Teatrit Kombëtar.
Çuli ka qëndruar për rreth 3 orë në SPAK ku ka dhënë deklarime.
Prokuroria e Posaçme kundër Korrupsionit dhe Krimit të Organizuar është duke kryer hetime për shpërdorim detyre gjatë procesit të miratimit të vendimit dhe ekzekutimit të tij duke e finalizuar me prishjen e godinës së Teatrit Kombëtar mëngjesin e 17 majit 2020.
Hetimi nisi pas kallëzimit të Aleancës për Mbrojtjen e Teatrit të bërë më 31 dhjetor 2019 dhe 23 janar 2020.
Kallëzimi i bërë nga Partia Demokratike në lidhje me këtë çështje i është bashkuar këtij procedimi penal.
Pavarësisht kundërshtimit dhe rezistencës së artistëve dhe shoqërisë civile për gati dy vite, godina e Teatrit Kombëtar u kthye në një grumbull rrënojash mëngjesin e 17 majit 2020.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
