.png)
Kreu i LZHK, Dashamir Shehi, në një konferencë për mediat e konsideroi Komisionin e Posaçëm Antikorrupsion një trik parazgjedhor për t’i bërë presion Prokurorisë së Posaçme.
“Trik parazgjedhor për t’i bërë presion SPAK, Ata e bënë e gëzofshin komisionin të bëjnë çfarë të kenë qejf, s’mund të bëhemi pjesë e këtij teatri pa moral”, tha Shehi.
Kuvendi miratoi një ditë më parë me 74 vota pro, 6 kundër dhe asnjë abstenim ngritjen e Komisionit të Posaçëm Antikorrupsion.
PD e Rithemelimit kryesuar nga Gazment Bardhi bojkotuan votimin, ndërsa 5 prej tyre votuan kunder; Ervin Saljani, Lindita Metaliaj, Elda Hoti, Ilda Dhori dhe Albana Vokshi.
Kundër votoi edhe deputeti i opozitës Agron Shehaj i shkëputur nga PD. Bojkotoi votimin edhe grupi i deputeteve “Basha”.
Komisioni i Posaçëm do te përbëhet nga 11 anëtarë, nga të cilët 6 janë përfaqësues të shumicës parlamentare dhe 5 përfaqësues të opozitës
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
