.png)
Shtetet e Bashkuara të Amerikës kanë sekuestruar asete nga shtetas rusë jashtë vendit për më shumë prej një miliard dollarësh, deklaroi zëvendësprokurorja e përgjithshme amerikane, Lisa Monaco për CBS News.
”Ne kemi bllokuar avionë në Zvicër dhe në Lindjen e Mesme. Kemi arrestuar kontrabandistë në Itali, në Gjermani dhe në Letoni. Ne kemi paditur pastruesit e parave në BM. Në praktikë, ne kemi treguar se nuk ka vend për t’u fshehur”, tha Monaco për emisionin ”60 Minutes”.
Zyra e saj menaxhon të ashtuquajturin grup pune ”KleptoCapture”, një grup i Departamentit të Drejtësisë, i krijuar në mars 2022 për të zbatuar sanksionet kundër oligarkëve rusë dhe kërkojnë pasuritë e tyre të fshehura kudo nëpër botë.
Monaco shpjegoi se kjo punë bazohet në një bashkëpunim të gjerë me partnerët e huaj.
”Ne jemi dëshmitarë të një komuniteti ndërkombëtar të paprecedentë që po bashkohet për të izoluar regjimin e Putinit dhe për të dënuar brutalitetin e tij të pabesueshëm kundër popullit ukrainas”, tha ajo.
Vitin e kaluar, Departamenti amerikan i Drejtësisë sekuestroi një megajaht 300 milionë dollarësh në Fixhi, në pronësi të oligarkut Suleiman Kerimov.
Departamenti i Drejtësisë ka kërkuar gjithashtu sekuestrimin e një jahti 90 milionë dollarësh, në pronësi të oligarkut Viktor Vekselberg. /ata
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
