SHBA sanksionon Los Lobos dhe konfirmon se është karteli më i madh i trafikut të drogës në Ekuador

Gazeta Si – Zyra e Kontrollit të Pasurive të Huaja (OFAC) e Departamentit të Thesarit të Shteteve të Bashkuara të Amerikës, sanksionoi organizatën Los Lobos dhe udhëheqësin e saj, Wilmer Geovanny Chavarría Barre, alias Pipo, rivalët aktualë të grupit kriminal të drogës, Los Choneros në Ekuador.

Në një deklaratë zyrtare, departamenti siguroi se Los Lobos ka mijëra anëtarë dhe është bërë organizata më e madhe e trafikut të drogës në shtetin amerikanolatin dhe për këtë arsye kontribuon ndjeshëm në dhunën që rrënon vendin prej dekadash.

OFAC caktoi Los Lobos në përputhje me Urdhrin Ekzekutiv (EO) 14059 për përfshirje ose tentativë për t’u përfshirë në aktivitete ose transaksione që kontribuan materialisht ose paraqesin një rrezik të konsiderueshëm në përhapjen ndërkombëtare të drogave të paligjshme ose mjeteve të tyre të prodhimit.

Si rezultat i sanksionit, të gjitha pronat e Los Lobos dhe liderit të saj që janë në SHBA ose në zotërim ose kontroll të personave amerikanë, do të bllokohen.

Për më tepër, SHBA do të bllokojë çdo subjekt që është në pronësi të 50 për qind, drejtpërdrejt ose tërthorazi, individualisht ose së bashku, nga alias Pipo.

Gjithashtu ndalohen të gjitha transaksionet e kryera nga persona amerikanë ose brenda (ose tranzit) të SHBA-së që përfshijnë ndonjë pronë ose interes në pronën e Los Lobos ose alias Pipo.

Ky veprim i shtohet një tjetër nga Departamenti i Thesarit, më 7 shkurt, kur u sanksionuan edhe Los Choneros.

Kjo vjen pasi organizatat kriminale ekuadoriane të mbështetura nga Karteli i Gjeneratës së Re të Jalisco (CJNG) të Meksikës dhe Karteli Sinaloa vazhdojnë të nxisin dhunën dhe paqëndrueshmërinë në Ekuador, tha zyrtari.

“Grupet e trafikut të drogës me lidhje me kartelet e fuqishme të drogës kërcënojnë jetën dhe jetesën e komuniteteve në Ekuador dhe në të gjithë Amerikën Jugore dhe Qendrore”, tha nënsekretari i Thesarit për Terrorizmin dhe Inteligjencën Financiare, Brian E. Nelson.

“Siç tregojnë veprimet e sotme, ne mbështesim fuqimisht Ekuadorin në përpjekjet e tij për të luftuar trafikun e drogës dhe për të luftuar kërcënimin e dhunës së lidhur me drogën”, – shtoi ai.

Ky sanksion i ri kundër një bande ekuadoriane vjen pasi, më 22 maj, presidenti Daniel Noboa shpalli një gjendje të re të jashtëzakonshme në shtatë nga 24 provincat.

SHBA kujtuan se më 7 janar, lideri i Los Choneros, José Adolfo Macías Villamar, alias Fito, u arratis nga burgu rajonal i Guayaquil dhe kjo shkaktoi trazira të gjera, sulme me bomba, rrëmbime, vrasjen e një prokurori të njohur dhe një sulm të armatosur në televizionin TC gjatë një transmetimi të drejtpërdrejtë.

Si rezultat i këtyre ngjarjeve, më 9 janar, Noboa shpalli gjendjen e konfliktit të brendshëm të armatosur dhe caktoi 22 nga bandat kriminale të vendit – duke përfshirë Los Lobos dhe Los Choneros – si grupe terroriste.

Departamenti i Thesarit e ka përshkruar Los Lobos si më poshtë:

1.Origjina e tij – Los Lobos filloi si një grup vrasësish që punonin nën bandën e tyre tashmë rivale Los Choneros, thotë Departamenti Amerikan i Thesarit.

“Vrasja e vitit 2020 e një drejtuesi të Los Choneros (aka Rasquiña), la një vakum pushteti që Los Lobos dhe aleatët e tyre e mbushën duke koordinuar sulmet kundër udhëheqjes së fragmentuar të Los Choneros, duke kulmuar në trazirat e burgjeve që lanë dhjetëra të burgosur të vdekur”, – përmbledh raporti.

2.Krimet e tij – Organizata kriminale ka qenë e përfshirë në trafikun e drogës, vrasjet me porosi dhe nxjerrjen e paligjshme të arit dhe gjithashtu ofron shërbime sigurie për karteltin e Jaliscos-s të Meksikës në mbështetje të përpjekjeve të saj për të dominuar rrugët e trafikut të kokainës në rajon dhe qytetim-port të Guayaquil në Ekuador.

3.Lidhja me vrasjen e Villavicencio – Los Lobos, kujtoi zyra e Amerikës së Veriut, akuzohet gjithashtu për orkestrimin e vrasjes së kandidatit ekuadorian për president të vitit 2023, Fernando Villavicencio.

Në shtator 2023, Departamenti i Shtetit njoftoi një shpërblim deri në 5 milionë dollarë për informacion mbi subjekte të panjohura përgjegjëse për vrasjen e Villavicencios.

4.Kush është alias Pipo? – Udhëheqësi i Los Lobos ka lindur më 15 maj 1986. Sipas SHBA-ve, gjatë burgimit të tij midis 2011-2018, Chavarría Barré fitoi famë, ndërsa drejtonte një grup vrasësish që vepronin si nëndegë e grupit “mëmë Los Choneros dhe mori emrin Los Lobos përpara se të ngriheshin si bandë e fuqishme e trafikut të drogës në vend.

Deklarata shton se, në vitin 2022, Chavarría Barre urdhëroi vrasjen e rivalëve të tij, Leandro Norero dhe Samir Maestre për të fituar kontrollin e rrugëve të vlefshme të trafikut të drogës.

Chavarría Barre mbetet i lirë i shpallur në kërkim dhe raportet publike sugjerojnë se ai mund të ketë ikur nga Ekuadori nën një identitet tjetër të falsifikuar, shton raporti.

Përshtati: Gazeta “Si”