.png)
Gazeta Si – Zëdhënësi i Këshillit të Sigurisë Kombëtare të Shtëpisë së Bardhë, John Kirby, duke folur për CNN, komentoi fjalët e presidentit. Sipas të cilit “më parë duhet të lirohen pengjet, pastaj mund të flasim për armëpushim”.
Por Izraeli mendon ndryshe: “Shtetet e Bashkuara, të cilat janë aleati ynë strategjik, kanë një sërë konsideratash dhe interesash strategjike në rajon që ne i vlerësojmë. Por një gjë duhet mbajtur parasysh: lufta po ndodh në kufirin tonë dhe jo mijëra kilometra larg”.
Zëdhënësi ushtarak Daniel Hagari tha këtë në përgjigje të një gazetari që pyeti nëse vendimi për të nisur një operacion tokësor në Gaza ishte i kushtëzuar nga këshillat e SHBA. “Pas luftës do të duhet të jetojmë përgjatë një kufiri nga i cili nuk do të ketë më një kërcënim si ai i 7 tetorit. Kështu që ky është një vendim që duhet ta marrim vetë”.
Më herët, dy pengje izraelite u liruan nga paraburgimi i Hamasit të hënën, por burrat e tyre mbahen ende në burg. Kjo e çon numrin e përgjithshëm të pengjeve të liruar nga Hamasi në katër.
Ministri i Mbrojtjes i Izraelit tha të hënën se vendi po përgatitet për një “operacion shumëpalësh” kundër Hamasit nga “ajri, toka dhe deti”. Izraeli është zotuar të zhdukë Hamasin, grupin islamik që kontrollon Gazën, në përgjigje të sulmeve të tij vdekjeprurëse të 7 tetorit. Më shumë se 5,000 njerëz janë vrarë në Gaza që atëherë, sipas zyrtarëve palestinezë shëndetësorë.
Në vlerësimin e tij të fundit, Izraeli thotë se më shumë se 200 pengje janë mbajtur nga Hamasi pas sulmit të befasishëm ndaj Izraelit më 7 tetor, ndërkohë që presioni ndërkombëtar rritet për të siguruar lirimin e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
