.png)
Tekniku i Kombëtares U-21 të futbollit, Alban Bushi ka publikuar këtë të enjte listën e lojtarëve të përzgjedhur prej tij për të luajtur takimin e vlefshëm për kualifikueset e Kampionatit Europian përballë Zvicrës U-21.
Për ndeshjen që do të luhet më 6 shtator në stadiumin “Stade de la Tuilière”, Bushi ka ftuar 23 futbollistë, ku nuk mungojnë emra të njohur si portieri Simon Simoni dhe vëllezërit sulmues Cristian dhe Stiven Shpendi.
13 nga lojtarët aktivizohen në kampionate jashtë vendit, ndërsa një vëmendje e shtuar duket se është treguar nga Bushi këtë herë për Superligën shqiptare. Kjo pasi 10 prej futbollistëve të grumbulluar vijnë nga kampionati vendas.
Shqipëria U-21 bën pjesë në Grupin E bashkë me Zvicrën, Finlandën, Rumaninë, Armeninë dhe Malin e Zi. Aktualisht kuqezinjtë e vegjël renditen të katërtit me 10 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
