.png)
Gazeta Si – Çekia ndjen ende shijen e hidhur që i la barazimi 1-1 me Shqipërinë në Pragë. Më 12 tetor kjo skuadër, e konsideruar favorite në grup, bashkë me Poloninë, përballet sërish me kuqezinjtë, këtë herë në ‘Air Albania’.
Për skuadrën e Silvinjos është një ndeshje përcaktuese dhe synimi është që të ecet në vazhdën e rezultateve të mira të arritura deri tani, ku kuqezinjtë kryesopjnë grupin me 10 pikë. Çekia është 2 pikë më pas dhe Kombëtarja jonë nuk duhet ta humbë kurrsesi këtë ndeshje.
Trajneri i Çekisë, Shihlavi, ka shpallur listën e lojtarëve të grumbulluar për sfidën e 12 tetorit. Janë thuajse të njëjtët lojtarë me ata që ishin në ndeshjen e Pragës. Mungon sulmuesi i njohur Patrik Shik për shkak dëmtimi, ndërkohë që lojtari më i rrezikshëm i çekëve mbetet Souçek, kapiteni i skuadrës.
Představujeme vám nominaci pro nadcházející kvalifikační duel v Albánii 🇦🇱🆚🇨🇿 a domácí zápas proti Faerským ostrovům. 🇨🇿🆚🇫🇴 #ceskarepre
— Česká fotbalová reprezentace (@ceskarepre_cz) October 2, 2023
Více informací ➡️ https://t.co/oz9TWcmjyq pic.twitter.com/eUIXmwrGbO
Çekia luan pas Shqipërisë me Ishujt Faroe, ndërsa Kombëtarja jonë në tetor ka vetëm këtë ndeshje kualifikuese dhe për datën e pushimit ka programuar një miqësore me Bullgarinë në Tiranë. Pas disa ditësh trajneri Silvinjo do të publikojë listën, ku pritet të ketë risi, me emra që diskutohen si Marvin Çuni dhe Arbnor Muçolli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
