Gazeta Si – Një pasuri me vlerë rreth 550 mijë euro që dyshohet se e kanë burimin nga veprimtaritë kriminale të 2 personave, është sekuestruar në Elbasan.
Policia njofton se njëri prej tyre është dënuar në Itali, ndërsa tjetri në Belgjikë për veprën penale “Trafikimi dhe shfrytëzimi për prostitucion”.
Konkretisht, u bë sekuestrimi i 2 pasurive të regjistruara në emër të shtetasit me iniciale A.K. dhe të afërmve të tij, një objekt 3 katësh ku zhvillohej aktiviteti i barit, restorantit dhe hotelit në Cërrik dhe një makinë “Lamborgini”. Nga veprimet hetimore dyshohet se pasuritë që janë sekuestruar e kanë burimin nga veprimtari kriminale të A.K., i dënuar në Belgjikë për trafikim dhe shfrytëzim për prostitucion.
Gjithashtu, bë sekuestrimi i pasurisë së 34-vjeçarit me iniciale U. K., banues në Elbasan, konkretisht i një objekti banimi me sipërfaqe 105 m2, në Elbasan. Nga veprimet hetimore dyshohet se kjo pasuri e sekuestruar e ka burimin nga veprimtaritë kriminale të kryera nga 34-vjeçari, i cili ka qenë i dënuar më parë, në Itali, për veprën penale “Trafikimi dhe shfrytëzimi për prostitucion”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
