.png)
Gazeta Si - Një sasi e konsiderueshme parash, arsenal armësh dhe lëndë narkotike janë zbuluar në një banesë në fshatin Dëshiran të Belshit. Aksioni është finalizuar nga forcat e Policisë së Elbasanit. Në pranga janë vënë dy persona, A.B. 60 vjeç dhe V.D. 54 vjeç.
Sipas policisë, në shtëpinë e 60-vjeçarit janë sekuestruar një kallashnikov, një pistoletë, 6 granata dore, 3280 fishekë pistolete dhe kallashnikovi, 5 krehëra fishekësh, 3.6 kg kanabis, 75 bimë të thata opiumi, 37 milionë e 600 mijë Lekë të vjetra, 5 mijë Paund dhe 8950 Euro.
Këto para, 60-vjeçari dyshohet se i ka përfituar nga veprimtaria kriminale në fushën e narkotikëve dhe të trafikimit të armëve.
Policia ka bërë kontrolle edhe në banesën e 54-vjeçarit V.D., lidhje shoqërore e 60-vjeçarit. Në këtë banesë janë gjetur dhe sekuestruar një armë gjahu dhe 55 fishekë arme gjahu, të cilat 54-vjeçari i mbante pa leje.
Nga hetimet e kryera ka rezultuar se shtetasi A. B. ushtronte veprimtari kriminale në fushën e kultivimit, prodhimit dhe shitjes së lëndëve narkotike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
