.png)
Gazeta Si - Një 51-vjeçar u arrestua në Shkodër, pasi tentoi të fuste në Shqipëri përmes doganës së Muriqanit 680.595 euro, të cilat u sekuestruan nga policia.
Paratë e padeklaruara ishin fshehur në dy ndarje anësore të modifikuara në dyert e një furgoni që drejtohej nga 51-vjeçari L.N. nga Fushë-Miloti.
Policia thotë se dyshohet që shuma e konsiderueshme e parave cash ta ketë burimin nga aktivitetet kriminale. Megjithatë vijojnë hetimet për të provuar burimin e parave.
Nga ky operacion është sekuestruar shuma e eurove, automjeti tip “Benz” si edhe dy celularë.
“Nga kontrollet në vijë të dytë, në automjetin që drejtonte ky shtetas, u gjetën në 2 hapësira të modifikuara në dyert e pasme, 680 595 euro, të cilat ky shtetas synonte t’i fuste ilegalisht në Shqipëri. Vijojnë hetimet për të provuar burimin e parave”, thuhet në njoftimin e policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
