Gazeta Si – Një sasi e konsiderueshme nafte kontrabandë është sekuestruar nga autoritetet policore në fshatin Qukës të Prrenjasit.
Sipas policisë, nafta nuk kishte faturë doganore dhe se ishte futur kontrabandë në vendin tonë, ku mbahej e depozituar në magazinën e një restoranti në pronësi të shtetasit Y.K., 53 vjeç.
Ai është arrestuar nga policia me akuzën e kontrabandës me mallra për të cilat paguhet akcizë, ruajtje ose depozitim i mallrave kontrabandë dhe fshehje e të ardhurave.
Autoritetet sekuestruan 1250 litra karburant ndërsa nga verifikimet ka rezultuar se 53-vjeçari ka tregtuar karburant duke fshehur të ardhurat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
