.png)
Gazeta Si – Ajola Xoxa, bshkëshortja e kreut të Bashkisë Tiranës, Erion Veliaj, ka bërë rekurs në Gjykatën e Lartë lidhur me vendimin e SPAK ditën e enjte për sekuestrimin e pasurive të çiftit Veliaj-Xoxa, të akuzuar për korrupsion, pastrim parash e fshehje të pasurisë.
Në një njoftim zyrtar, SPAK njoftoi javën e kaluar, se ka regjistruar një procedim penal ndaj kryebashkiakut të Tiranës Erion Veliaj dhe Ajola Xoxes, pasi është arritur në përfundimin se ekzistojnë të dhëna konkrete që ngrenë dyshime të arsyeshme mbi pasuri të padeklaruara, të lidhura me çiftin, pranë rezidencës “Kodra e Diellit”, ku ata jetonin aktualisht.
Për këtë arsye, Gjykata e Posaçme ka vendosur masën e sigurimit pasuror “sekuestro preventive” mbi apartamentin dhe shtesë regjistruar në ASHK në emër të subjektit tregtar “A. K.” shpk.
Xoxa është në masën e sigurisë “detyrim paraqitje”, ndërsa bashkëshorti i saj, Erion Veliaj ndodhet që prej 10 shkurtit 2025 në qeli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
