Gazeta Si – Piloti gjerman, Sebastian Fetel, ka rezultuar ende pozitiv ndaj Covid-19, kështu që ka humbur edhe garën e dytë të Botërorit 2022. Edhe në Jedah ai do të zëvendësohet nga bashkombasi i tij Hulkenberg.
Sebastian Fetel është detyruar të dorëzohet përsëri. Ai nuk mund të garojë as në Çmimin e Madh të Arabisë Saudite, ku Formula 1 fillon sot aktivitetin me sesionin e parë të provave të lira. Pas Bahreinit, Fetel humb edhe garën e Jedah.
Piloti gjerman, 4 herë kampion bote, sipas asaj që ka bërë me dije skuderia Aston Martin në Tuiter, nuk mund të jetë në dispozicion, sepse nuk është negativizuar ende nga Covid-i. Në vend të tij, siç ndodhi në garën hapëse të Bahreinit, ku fitoi Ferrari, do të jetë gjermani tjetër Niko Hulkenberg.
“Presim që Sebastianin të shohim në pistë në Çmimin e Madh të Australisë”, – shkruhet në njoftimin zyrtar të Aston Martin. Gara e Melburnit do të zhvillohet fundjavën e 10 prillit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
