Gazeta Si – Kryeministrja finlandeze Sanna Marin sqaroi në Konferencën e Sigurisë në Mynih se “për vendin tim, anëtarësimi në NATO është një akt paqeje. Ne nuk kemi ndryshuar mendje. Duam të jemi pjesë e NATO-s së bashku me Suedinë”.
Dhe shton se, duke shprehur këtë qëllim, “Helsinki dhe Stokholmi i kanë dërguar një mesazh të qartë Hungarisë dhe Turqisë”.
Marin vijon duke thënë se, kur filloi lufta në Ukrainë një vit më parë, u bë e qartë se Finlanda do të anëtarësohej në NATO, pasi “ne kufizohemi me Rusinë”.
“Siguria e vendit tone, – shpjegon ajo, – është një përparësi. Finlanda ka investuar gjithmonë shumë në mbrojtje. Ne jemi tashmë në 2% të PBB-së dhe synojmë të rrisim investimet për të qenë gati”.
“Ajo që duhet të bëjmë, – vazhdon kryeministrja finlandeze, – është të bëjmë të qartë se nuk do të pranojmë kurrë një luftë imperialiste dhe se nuk do të pranojmë që Presidenti Putin të shkelë ligjin ndërkombëtar. Ne duhet të bëjmë presion për të siguruar që synimet imperialiste të Rusisë të dështojnë dhe mund të fitojë Ukraina”.
Për dy vendet baltike, kreu i NATO-s Jens Stoltenberg nënvizon se “Suedia dhe Finlanda janë të gatshme të ratifikojnë hyrjen në aleancë dhe unë po bëj presion që ky hap të mbyllet. dy vende duhet t’i bashkohen Aleancës sa më shpejt dhe unë po punoj që deri në Vilnius (ku do të mbahet takimi i radhës i krerëve të shteteve dhe qeverive të NATO-s, më 11 dhe 12 korrik) ata të jenë anëtarë të NATO-s”.
Numri një i Aleancës përsërit gjithashtu nevojën për të kapërcyer rezistencën e Turqisë dhe Hungarisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
