Qeveria vendos që 6 dhjetori të jetë ditë pushimi vetëm për Tiranën. Ditën kur do të mbahet Samiti BE-Ballkani Perëndimor, administrata dhe shkollat do të jenë pushim por vetëm për qarkun e Tiranës.
Vendimi vjen për shkak të masave të larta të sigurisë ditën kur do të zhvillohet samiti.
Rreth 1500 efektivë pritet të jenë në terren për të siguruar mbarëvajtjen e samitit.
Disa nga akset kryesore në vend do të bllokohen, përfshirë unazën për kalimin e makinave.
Raportohet për 16 nivele sigurie, që do të thotë kontrolle të ndryshme nga forcat e sigurisë.
Prej disa ditësh ekipet e Brukselit ndodhen në Tiranë për të koordinuar punën me ekipet shqiptare sa i përket sigurisë.
Po atë ditë Sali Berisha dhe Ilir Meta kanë paralajmëruar protestë para kryeministrisë.
Berisha nuk ka pranuar kërkesën e Bashkisë për ta zhvilluar në Sheshin “Skënderbej”, por para kryeministrisë aty ku zona përreth saj do të jetë e blinduar dhe me masa të larta të sigurie.
Gjithçka pritet të nisi rreth orës 10.00 të mëngjesit të së martës. Pritja e liderëve do të bëhet tek sheshi Italia ndërsa samiti do të mbahet ose tek Hotel Mariott tek stadiumi ‘Air Albania’, ose tek Pallati i Kongreseve
Mbledhja do të ketë një ndërprerje rreth orës 13:00 për të vijuar me hapësirën e drekës, ndërsa rreth orës 15:00 pritet të mbahet konferenca e përbashkët mes kryeministrit Rama, presidentes të Komisionit Europian Ursula Von der Leyen dhe presidentit të Këshillit Europian Charles Michel.
Në kryeministri do të zhvillohen të gjitha takimet bilaterale përpara datës 6 dhjetor.
Nga liderët e Ballkanit nuk pritet të ketë mungesa.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
