Barazimi kundër Hellas Verona me rezultatin 1-1, solli një lajm të mirë për Milanin. Debutimi zyrtar i Daniel Maldini (lindur në Milano, 11.10.2001) shërbeu për të zgjeruar një prej sagave më legjendare të futbollit në histori.
Mesfushori i ri, 18 vjeç, është djali i Paolo Maldini dhe nipi i Cesare Maldini, i cili vdiq në vitin 2016. Gjyshi i tij, mbrojtës, luajti 347 ndeshje dhe shënoi 3 gola me kuqezinjtë, të cilët do t’i stërviste më vonë në dy faza të ndryshme: 1972-1974 dhe 2001. Përveç Milanit, ai drejtoi edhe Foggia, Ternana, Parma… dhe kombëtaren italiane midis viteve 1996 dhe 1998.
Babai i tij, Paolo, është ndoshta ikona më e madhe e Milanit. Ai është lojtari që ka luajtur më shumë ndeshje me kuqezinjtë (902), ndërsa ndan me Buffon rekordin e paraqitjeve në Serie A (647), dhe rekordin e finaleve të Championsi (8).
Daniel Maldini, i cili tashmë kishte debutuar me Milanin në një ndeshje miqësore, u aktivizua ndaj Hellas Verona në vend të Castillejo, në minutën e 90-të. Këtë sezon me ekipin e të rinjve, mes Kampionatit dhe Kupës, ai ka shënuar tetë gola dhe ka dhënë pesë asist, në 12 ndeshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
