Tryeza shqiptare e Vitit të Ri nuk do të kishte kuptim pa bakllavanë, ëmbëlsirën tradicionale të kësaj feste.
Edhe pse për ta moderrnizuar festën e ndërrimit të viteve e për të ndjerë më shumë bollëk në tryezat tona, ne i shtuam për do vite, tryezës së datës 31 edhe ëmbëlsira të tjera si torta, bakllavaja vijon të mbetet ajo që kryeson.
Madje edhe ata që nuk I kanë qejf ëmbëlsirat thonë: “do të bëj/ble një të vogël sa për shenjë”.
Të gjithë e dimë se ëmbëlsira e Vitit të Ri bëhet me brumë, gjalpë, arra dhe sheqer. Çdo shtresë e bakllavasë ëmbëlsohet me shurup që përthithet nëpër shtresat e tij, dhe bakllavaja merr ngjyrë kafe të artë pas pjekjes. Historikisht, kjo ëmbëlsirë jashtë kufijve është përgatitur vetëm nga familje të pasura në raste të veçanta, jo domosdoshmërisht për Vitin e Ri; megjithatë, kushdo që dëshironte ta konsumonte atë, mundet ta blinte me copë me një çmim të përballueshëm.
Për ata që vazhdojnë ta bëjnë ende vetë, karakteristikë e bakllavasë shqiptare mbeten petët e holla. Në vitet para 1990-ës, kur amvisat kishin më tepër kohë në dispozicion, gjatë muajit dhjetor pasi përgatisnin bakllavanë e tyre, të prindërve, të vjehrrëve e ndihmonin e komshijtë, konkuronin se kush i kishte të hollur më pranë kartës së cigares petët e bakllavasë.
Sa kushton bakllavaja?
Nëse e blen në pastiçeri a furrë buke, çmimi i bakllavasë varet nga madhësia. Çmimet e zakonshme variojnë nga 1800 lekë – 4500 lekë (të reja). Por nëse klienti ka ekzigjencë për një tepsi më të madhe, mund ta porosisë, madje mund ta shpjerë vetë tepsinë pranë pasteçerisë.
Nëse porosit një baklava on line nga një vend i huaj, çmimi varion nga $20 në $50, në varësi të copave dhe kompanisë/furrit të bukës që e ka prodhuar. Për shembull, një bakllava me 28 deri në 30 copë shitet $18 deri në $20, plus $7 posta. Nëse nuk mundesh, apo do të shijosh një copë bakllava në ditë të zakonshme, një copë e tillë kushton jashtë $1 për copë.
Në furrat lokale të bukës jashtë disa syreshë e shesin një copë bakllava $1 deri në $2.50.
Kjo varet nga reputacioni i pastiçerisë a furrit të bukës dhe pozicionit gjeografik.
Në furrat e bukës së Tiranës/pastiçeri çmimi i një cope baklava varet nga pesha.
Në cilat vende mund të gjendet bakllavaja
Baklavaja mund të gjendet në shumë restorante dhe furra buke të Greqisë dhe Lindjes së Mesme.
Përbërësit themelorë të saj janë brumi, arrat, vaji, gjalpi, shurupi dhe / ose mjalti.
Amvisat i kushtojnë vëmendje përbërësve të arrave dhe shurupit, pasi ato tregojnë origjinën e recetës.
Shurupi me fëstëk thuhet se vjen nga vendet arabe, ndërsa shurupi me karafil dhe / ose kanellë thuhet se vjen nga gadishulli Ballkanik.
Jetëgjatësia është 14 ditë; megjithatë, mund të lihet në frigorifer deri në 45 ditë. Nëse është e ngrirë, ajo mund të ruajë freskinë e saj deri në 120 ditë.
Për një bakllava të zakonshme, një copë bart 330 kalori, 23 gramë yndyrë, 36 mg kolesterol, , 29 gram karbohidrate, 10 gr sheqer, pesë gramë proteinë dhe 2 gramë fibra dietike.
Çfarë është bakllava?
Bakllavaja është një ëmbëlsirë mesdhetare që dihet se daton në shekullin e 8-të përpara Krishtit, sepse gjatë asaj kohe, asirianët dihej që piqnin shtresa të holla brumi me arra dhe derdhnin mjaltë mbi të. Bakllavaja bëhej vetëm me raste pasi, në atë kohë, vetëm të pasurit mund ta përballonin këtë pjatë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
