Orët e gjata duke pirë alkool tashmë janë këtu! Me Krishtlindjen ‘hapen zyrtarisht’ festat e fundvitit dhe kjo do të thotë orët të gjata takimesh me shoqëri dhe familje, gjë që nënkupton edhe verë, birra apo pije të ndryshme.
Të gjithë e dimë se alkooli i tepërt është i dëmshëm për ne, por sa është shumë? A është më mirë të pini shumë në një ditë dhe më pas të mos pini pjesën tjetër të javës, apo të pini nga pak çdo ditë? Cilat janë shenjat që tregojnë se dikush ka problem me pijen? Dhe çfarë duhet të bëjnë njerëzit që duan të moderuar konsumimin e alkoolit gjatë festave?
Për të gjitha këto, ekspertja e shëndetit Leana Wen ka përgjigje.
Pse alkooli i tepërt konsiderohet një rrezik për shëndetin?
“Ka shumë kërkime që tregojnë se pirja e tepërt e alkoolit shoqërohet me shumë sëmundje kronike, duke përfshirë sëmundjet e zemrës, kancerin dhe vdekjen e hershme. Në SHBA, sëmundja e mëlçisë e lidhur me alkoolin është shkaku kryesor i transplanteve të mëlçisë. Përdorimi i alkoolit vlerësohet të shkaktojë afërsisht 178,000 vdekje çdo vit”, thotë Wen, duke shtuar se sipas Udhëzimeve të SHBA-së, të rriturit nuk duhet të pinë më shumë se një pije në ditë për gratë dhe dy pije në ditë për burrat në ditët e festave. Udhëzimet gjithashtu theksojnë se të pish më pak alkool (në krahasim me më shumë) është gjithashtu një zgjidhje e mirë për ato që nuk pinë fare gjatë vitit.
Dikush që pi rregullisht më shumë se kjo sasi, duhet ta dijë se duke e bërë këtë rrit rrezikun e sëmundjeve kronike dhe vdekjes së parakohshme.
A është më mirë të pini shumë në një ditë dhe më pas të mos pini pjesën tjetër të javës, apo t’i lini pijet?
Të pish shumë në një ditë mund të nënkuptojë që të përmbushë pragun e pirjes së tepërt, thotë Wen. Ata që konsumojnë tepër përballen me dy grupe rreziqesh shtesë në krahasim me ata që i lënë mënjanë pijet. Së pari, një sasi e madhe alkooli krijon stres në organet tuaja. Së dyti, ata që pinë alkool janë më të rrezikuar nga lëndimet si rrëzimet, mbytjet dhe aksidentet me makinë.
A ka përfitime në përpjekjet për të ndaluar alkoolin për sfida si Janari i thatë ose Tetori Esëll?
“Po. Individët që pinë rregullisht mund të përfitojnë nga reduktimi i pirjes së tyre për një periudhë kohore. Kjo mund t’i ndihmojë ata në mënyra të ndryshme: ata mund të vlerësojnë sasinë e tyre që pinë dhe të kuptojnë më mirë rrethanat që i bëjnë ata të kthehen tek alkooli. Disa njerëz gjithashtu përjetojnë efekte pozitive në mirëqenien e tyre duke bërë gjumë më të mirë ose duke humbur peshën e tepërt”, tregon Wen.
Ajo thotë se dikush që rregullisht tejkalon marrjen e rekomanduar javore dhe/ose është duke pirë shumë alkool duhet të jetë i vetëdijshëm se pirja e tij mund të ketë ndikime negative në shëndet. Njerëzit gjithashtu duhet të jenë të vetëdijshëm se ekziston një gjendje e quajtur çrregullimi i përdorimit të alkoolit. Gati 29 milionë amerikanë të rritur e kanë këtë gjendje, e cila është forma më e zakonshme e çrregullimit të përdorimit të substancave në SHBA.
Çrregullimi i përdorimit të substancave karakterizohet nga humbja e kontrollit. Sapo dikush fillon të pijë, ai nuk mund të ndalet, ose ka dëshira për të cilat mendon se duhet të veprojë. Shumë njerëz me këtë çrregullim e gjejnë veten duke përjetuar vështirësi në përmbushjen e përgjegjësive të punës, kujdesit dhe jetës së përditshme për shkak të konsumimit të alkoolit. Disa individë me këtë çrregullim që përpiqen të ndalojnë pirjen mund të përjetojnë gjithashtu simptoma fizike si shqetësim, djersitje dhe të përziera të rënda.
“Unë i këshilloj njerëzit që të fillojnë duke identifikuar dhe vendosur qëllime personale. A është synimi juaj për të shmangur plotësisht alkoolin, për të reduktuar marrjen në mënyrë të vazhdueshme apo për të ndaluar pirjen e sasive të mëdha në një mjedis? Mënyra se si do të bëni planifikimin tuaj do të varet nga qëllimi juaj”, thotë Wen.
Nëse dëshironi të shmangni plotësisht alkoolin dhe alkooli është një tundim i madh për ju, mund të kërkoni mjedise sociale ku alkooli nuk do të shërbehet. Nëse duhet të shkoni në ngjarje ku shërbehet alkool, merrni parasysh t’u thoni njerëzve të afërt që t’ju ndihmojnë me qëllimin tuaj. Pyesni përpara nëse ka pije joalkoolike që ju pëlqejnë; nëse jo, merrni tuajën.
Nëse qëllimi juaj është të zvogëloni numrin e pijeve që po konsumoni në baza javore, rekomandohet që të filloni duke mbajtur shënim se sa po pini.
Nëse prioriteti juaj është të ndaloni pirjen e tepërt, zbatohen gjithashtu këshillat e mësipërme për të shkruar pijet dhe për të planifikuar përpara. Për më tepër, përpiquni të identifikoni shkaktarët: Çfarë lloj rastesh ju kanë shtyrë të pini sasi të mëdha në të kaluarën? Nëse janë festa të caktuara, konsideroni t’i shmangni ato ose të hyni me qëllim që të pini një ose dy pije në vend të pesë ose gjashtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
