.png)
Drejtori i IKMT-së Dibër, Lutfi Miftari dhe adminstrator i kompanisë “H4 CHROM”, Eljo Elezi, të dy të akuzuar për korrupsion, janë lënë në burg.
GJKKO nuk e ndryshoi masën e sigurisë pas arrestimit të tyre në 10 shtator, gjatë finalizimit të operacionit të koduar “Bankomati”.
Dyshohet se Miftari ka marrë ryshfet për fshehjen e shkeljeve të kompanisë së kromit, me administrator Elezin.
Në cilësinë e provës materiale, drejtorit të IKMT-së, iu sekuestruan 50.000 lekë të rinj, të cilat dyshohet se ia kishte dhënë Elezi.
Ndërsa gjatë kontrollit të banesës së Lutfi Miftarit, policia gjeti dhe sekuestroi në cilësinë e provës materiale 29.500 euro, 1300 dollarë dhe 896.000 lekë të rinj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
