Gazeta Si – Këshilli i FIFA-s, që është mbledhur në Doha, ka pasur në rend dite edhe ratifikimin e sanksioneve kundër Rusisë, që nisën në fillim të marsit me pezullimin e të gjithë klubeve ruse nga çdo aktivitet.
Hapi i radhës nga FIFA-s, sipas ”As”, është që klubet ruse të përjashtohen përfundimisht nga kompeticionet, ndërsa masa më drastike është ajo për ta hequr direkt Rusinë si pjesëtare të FIFA-s. Ka ndodhur edhe më parë për vendet në luftë. Në vitet ’70, Afrika e Jugut u përjashtua nga FIFA për shkak të politikës së apartheidit.
Rusët nga ana e tyre mendojnë se FIFA nuk do të marrë një vendim kaq të rëndë. Ata e dinë gjithsesi se janë të rrezikuar dhe do të marrin pjesë në Kongresin e FIFA-s me qëllimin për të gjetur një akord.
Nga Botërori i Katarit ndërkohë rrezikon të parjashtohet Irani, tashmë i kualifikuar. Përjashtimi mund të bëhet për faktin se 2000 gra iraniane, të cilat kishin blerë biletë për ndeshjen e fundit, nuk u lejuan të hynin në stadium.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
