Shërbimi Federal i Sigurisë së Rusisë (FSB) ka akuzuar shërbimet speciale ukrainase për kryerjen e vrasjes së vajzës së një ideologu ultranacionalist rus, raporton agjencia e lajmeve Interfax.
Ukraina ka mohuar përfshirjen në vrasjen me bombë në makinë të Darya Dugina, babai i së cilës është komentatori politik rus Alexander Dugin, në periferi të Moskës të shtunën mbrëma.
Hetuesit rusë tani kanë pohuar se vrasja e Dugina-s ishte përgatitur dhe kryer nga shërbimet speciale të Ukrainës, të cilët thanë se kanë udhëtuar në Estoni pas vrasjes, shkruan “The Guardian”.
Më herët, agjencia shtetërore ruse e lajmeve Tass raportoi se shpërthimi që vrau Dugina ishte në distancë, duke cituar një zyrtar të agjencisë ruse të zbatimit të ligjit.
Ukraina po përgatitet për një intensifikim të sulmeve raketore ruse pas vrasjes, me paralajmërimin ushtarak të vendit se trupat ruse kishin vendosur pesë anije luftarake dhe nëndetëse me raketa lundrimi në Detin e Zi dhe se Moska po poziciononte sistemet e mbrojtjes ajrore në Bjellorusia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
