Gazeta Si – Rudi Fëler do të qëndrojë në postin e drejtorit teknik të Gjermanisë deri në Botërorin e 2026-ës, kurse e ardhmja e trajnerit Julian Nagelsman është ende e paqartë.
Fëlër firmosi akordin me Federatën Gjermane të Futbollit në fillim të vitit të kaluar deri në Europianin e këtij viti. Ai e mori detyrën pas eliminimit të Gjermanisë nga Kupa e Botës 2022 në fazen e grupeve. Solli në krye të skuadrës Julian Nagelsman, duke zëvendësuar Hansi Flik.
Pas një fillimi të ngadaltë, Nagelsman e solli skuadrën organizatore të Europianit në fitoret e testeve miqësore me Francën dhe Holandën muajin e kaluar. Fitore që rritën entuziazmin në prag të Euro 2024.
Megjithatë, e ardhmja e trajnerit Nagelsman nuk është shumë e qartë për momentin. Ai ka kontratë me Gjermaninë deri në fund të Euroianit, ndërkohë që për të ka një interesim serioz nga shumë klube të mëdha eropiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
